Berati, i njohur si “Qyteti i një mbi një dritareve”, është një nga qytetet më të vjetra dhe më të bukura të Shqipërisë, me një histori që shtrihet për më shumë se 2400 vjet. Ky qytet është i vendosur në jug të vendit, përgjatë lumit Osum, Berati është shpallur Trashëgimi Botërore nga UNESCO falë arkitekturës unike dhe harmonisë mes kulturave.
Çfarë të vizitosh në Berat
Berati ofron një kombinim perfekt të historisë, kulturës dhe mikpritjes shqiptare. Disa nga vendet që nuk duhen humbur janë:
- Kalaja e Beratit – një nga fortesat më të ruajtura në Shqipëri, me një pamje mahnitëse mbi qytetin e bukur.
- Muzeu Onufri – është i vendosur brenda Katedrales së Shën Mërisë, me vepra të ikonografit të njohur shqiptar.
- Lagjet Mangalem dhe Gorica – shtëpitë karakteristike të bardha dhe dritare të shumta që i dhanë qytetit emrin e famshëm.
- Ura e Goricës – është një nga urat më të bukura të ndërtuara në shekullin XVIII, që lidh 2 lagjet historike.
Përvoja që mund të shijosh në Berat
- Ecje nëpër rrugicat me kalldrëm të qytetit të vjetër.
- Shije të verërave dhe produkteve lokale në kantinat e bukura të qytetit të Beratit.
- Udhëtim në Kanionin e Osumit, vetëm 1 orë larg, për aventurë dhe rafting.
- Vizita në manastire dhe kisha të lashta që pasqyrojnë bashkëjetesën fetare shqiptare.
Si të shkosh në Berat
Berati ndodhet rreth 120 kilometra nga Tirana dhe është i arritshëm lehtësisht me makinë ose autobus. Rruga të ofron peisazhe spektakolare dhe ndalesa interesante gjatë rrugës.
Pse duhet ta vizitosh
Berati është shumë më tepër se një qytet historik, është simboli i kulturës dhe identitetit shqiptar. Vizitorët ndihen sikur udhëtojnë në kohë, ndërsa shëtisin nëpër rrugicat me kalldrëm mes aromës së historisë dhe mikpritjes tradicionale.
Për të parë më shumë postime rreth atraksioneve në shqipëri ju ftojmë te na vizitoni në faqen tonë në instagram https://www.instagram.com/promoalbania.al/